文章

2018回顧/2019展望

圖片
「日子過得真快，尤其對於中年以後的人，十年八年都好像是指縫之間的事。可是對於年輕人，三年五載就可以是一生一世。」張愛玲《半生緣》 2018有大半年的時間身處於在香港以外的第二個家——New Zealand Raglan，感謝這一年來遇到的人與我分享她/他們的人生，那些人和事都留待在NewZelandStories內分享吧。 回來以後當然有人會問想再回去嗎？ 足夠了。我所想的已經給我了，我沒想過的也給我了；在風光如畫的國度留下腳印，那些回憶和得著隨著人而一起回到香港，繼續往前走。讀《ONE MAN AND HIS BIKE》中當中有一段寫得很好的文字說出我的心聲： If you want to be happy, then you must enjoy it all, at whatever point you are at, from beginning to the end. Because ultimately happiness is the acceptance of the journey as it is now, not the promise of the other shore. （有興趣的朋友可以去 IG follow : readigraphy 這是我分享閱讀的地方） 回到香港後，最不習慣的是周圍的人口密度大增然後出現心悸的狀況，一段時間後這種不適感才消失；商場的燈光亮得我的眼睛不適，當然隨著時間又會習慣。找工作比想像中花了好些時間，思前想後以外也有嘗試新的工作環境，但心很誠實的告訴這個不是自己想要的，終於找了一份附合自己大部份條件的工作，總算安頓好。 2019的目標跟這幾年給自己的projects,visions&goals其實也差不多，今年就是多了一項財務自由。所有的項目應該會持續好些年或者不會消失，畢竟生活的重心大致都差不多。 就這樣隨心的略作分享，最後祝大家新的一年身體健康，笑口常開！
發佈留言
閱讀更多
圖片
NewZealnadStories/004 天生愛冒險 中學讀書時代就已經響往周遊列國，常常想著將來要獨自旅行，因此曾經想過要當空姐。幸好後來沒有堅持這個念頭，興趣和工作還是分開比較好，當空姐感覺很辛苦（現在當護士很輕鬆嗎？）。總而言之就是因為喜愛往外闖而驅使我踏上工作假期這條路。 在填鴨式教育的社會底下生活，每個人的將來好像只有一條路：讀大學，找好工作，成家立室。我並不是說這條路不好，只是這常常被視為「唯一」，其餘的路都似乎充滿太多不確定性，也不被看好。 在出走的這一年遇上許多形形色色的人使我深深體會到路可以靠著人走出來，你可以選擇前人行過的路，你也可以走自己所選擇未知的路。 出走過後看到的世界變得更寬闊，明暸到以往自己的目光和思想有多麼狹窄，更加懂得珍惜所擁有的。不能不說這一趟旅程所給了我的經歷，使我改變的地方多得超乎想像，因而促成我（緩慢地）去記錄當中的點滴。 香港地講夢想很奢侈，但夢想或者會為你帶來用任何事或錢都換不到的和意想不到的收穫。更重要的是讓自己無悔的、快樂的過自己所選擇的生活。
發佈留言
閱讀更多

NewZealandStories/ 003 我的第一架車！

圖片
以前覺得係香港無需要開車，所以無諗過要學車。後來大個左發覺就算係香港唔開車，係外國自駕遊其實都係一種唔錯既旅行方式，加上去新西蘭工作假期都想自己開車周圍去，所以拿拿林去考個車牌。 車牌都算輕鬆到手，但本身對車既認識係：望住人地個 logo 都講唔出叫咩名。當然為左買一架可以同我上山下海而唔會無啦啦死火既車，要上網做功課，問下朋友，最後千挑萬選我人生中第一架車：2003 Toyota Vitz 。 可能係好多識車之人眼中佢不論牌子同型號都係平平無奇，不過我覺得佢似我：細細粒，上山要俾d耐性，耐用唔易壞！其實只要符合自己需要，表現中規中矩就心滿意足。 諗住過左買車呢個咁煩既step（可能對鐘意車既朋友黎講係享受，對無知既人黎講係麻煩），之後諗住會輕鬆d，但係事實上對新手黎講呢個先係開始。 除左操返手車，搵下感覺，都要學下點換胎打氣。另外因為係新西蘭好多人揸van／campervan，或者其他大大份既車，所以泊車位都闊，總算煩少樣。操車最緊張既係以前有師傅係隔離會幫眼，好彩當時有係takeaways打工既老闆幫手睇下，慢慢建立返信心揸車。 呢架車就陪左我一齊遊南北島，無論係大雨到睇唔到路，定係九曲十三彎上山落山路奔馳，又或者玩到入夜黑麻麻先開車，佢都將我安全送回家。 係新西蘭要擁有一架車先可以自由自在按著自己步伐同心意穿州過海，呢d滿足感係無法取代！
發佈留言
閱讀更多

NewZealandStories/ 002 Skateboarding in Raglan!

圖片
人生中第一次玩滑板。因為有人識玩，問我玩唔玩，結果學左一兩個鐘就可以做到直線去左去右，平衡感唔太差。由平路玩到去 pump track 係一個幾漫長既過程，每一次可以去到新既層次我都好興奮。無保護裝備， hostel 既滑板又殘舊，好多時都唔敢去咁盡。見到有 d 小朋友本身係 pump track 玩開 scooter ，轉去玩滑板其實都無幫助，都係要由頭開始學，但望住佢地一路玩一路跌完全無有怕，姐姐我好生敬佩，所以幾時都話細個學野係最快，因為唔怕死！我就慢慢咁突破自己，但求唔會跌到斷手斷腳。最難突破既係心理障礙，望去有 d 斜坡唔斜，到你企左上去就好斜加上企係塊板又未好識加快減慢同轉下位，所以都只有玩得多先捉得到個感覺。玩滑板其實都係好用體力既一項運動，係會出汗既！意外都見過一次，話說有個中學生懶型咁玩到好快但係彎位出事，成個人飛出去，結果右小腿 spiral fracture 。而我跌到好甘既都有一獲，但完整無缺咁返黎都算係咁。 炫技傷膝既野我就無興趣學。享受係 pump track覺得自己真係玩緊滑板既時刻 ；係果道認識到一d新朋友，見到人地進步同時人地又見到你進步；望到不論男女既小朋友都有玩覺得佢地好幸福，可係天不怕地不怕既年齡去試去學；覺得自己雖然進步好慢但可以不斷有突破係滿足，特別多謝教我既 scott ，間中陪我一齊玩既 jack ，同埋好煩咁迫我要一手揸 go pro 但先有呢 d 咁正既片既 colin ，仲有睇住我一路上進步又幫我拍片既 cajsa。 雖然佢地無一個人會睇得明呢段野，但因為佢地先令我係 Raglan 既生活多點不一樣，所以都必須要講！ P.S. 剪左條片可惜太大，呢道唯有放相，facebook先upload條片
發佈留言
閱讀更多

NewZealandStories/ 001 BUNGY JUMP!

呢個系列開俾自己重新回味下呢一年係新西蘭 Working holiday 既經歷，同大家分享下異國風情。之前話過分享多 d 台灣環島，澳洲 2 個月 roadtrips ，最尾不了了之左，可能果時諗到好認真XD。今次醒 ( 左 d) 啦，諗到咩就打咩，仲要用博大精深既廣東話口語化咁演繹，唔洗咬文嚼字兼可以傳神表達情境。講明先：一定有不雅用語！！ 拎我覺得其中一個最最最重要既事作為開始，就係 bungy jump ！ 係 queenstown 既山頂 ( 有無介紹得咁 hea  XD) 進行 47m 高既 bungy jump ，對比係澳門果個 233m ，好似有 d 弱。不過高度唔重要，重點係你夠唔夠膽跳，斷估唔會因為佢無咁高你就唔驚。跳之前個工作人員仲「好好咁」叫你望下落下面，望完果一刻腦海真係一遍空白，數 123 就跑到出去跳。睇下條片，跳 bunny jump 跳到好似仆街咁跌落去係咩玩法，點解可以咁7 （雖然都覺得好好笑)。 我覺得 bungy jump 對比係更高跳落黎既 skydive ，更加有果種要主動行動而且獨自面對既壓力。 skydive 有個教練係你背脊帶你飛之餘，兼係佢推大家出飛機，基本上按指示做動作配合，就係好好地享受望下風景。但 bungy jump 除左好仆街咁叫你望下下面之外，無人會推你出去，完全係靠自由意識下做決定，你唔行出果一步企係道都無人會迫到你。有趣係 bungy jump你明知唔會死，但依舊會好 Q 驚。我想挑戰既大概就係呢樣野。人愈大好似咩都唔夠膽做， build up 左既野就死都唔放手，唔敢行另一條路，做咩都真係三思而後行，最尾或者係無行。或者有時放手一試，會有新體驗同睇法。就算 7 都要 7 得型過人！
發佈留言
閱讀更多